Хүүхдийг зөв тэвэрч хөхүүлэх нь

Хүүхдийг зөв тэвэрч хөхүүлэх дөрвөн үндсэн шинж:

• Хүүхдийн бие шулуун , толгой эх бие нэг шугаманд байрласан, толгой нь  бага зэрэг гэдийсэн байна.

• Хүүхэд хөхрүүгээ харсан , эх хүүхдийн нүүрийг харах боломжтой байх

• Хүүхэд эхийн биед наалдсан

• Хүүхдийг бүх биеээр нь тулж тэвэрсэн , бүх биеэр нь гарын сарвуу шуугаар бүрэн дэмжиж тулсан байх

Хүүхэд хөхөө зөв үмхэснийг илтгэх дөрвөн үндсэн шинж:

• Хүүхэд амаа том ангайсан

•  Хөхний нөсөөт хэсэг хүүхдийн дээд уруулын дээгүүр илүү их, доод урууулын доогуур арай бага хэмжээтэй цухуйж харагдана.

• Хүүхдийн доод уруул гадагш цорвойсон

•   Хүүхдийн эрүү эхийн хөхөнд шүргэсэн

Хүүхэд хөхөө зөв хөхөж байгааг илтгэх шинжүүд

• Хүүхэд хөхөө аажим гүнзгий сорж хөхөх ба үе үе амарна.

•  Нэг, хоёр удаа хөхөө сорсны дараа сүүгээ залгиж байгааг эх харах эсвэл сонсох боломжтой байна.

• Хүүхэд зөв хөхөж байгаа үед чөлөөтэй амьсгалж байна.

•  Хүүхэд хөхөө хөхөж байгаа үед өвдөлт мэдрэгдэх ёсгүй.

• Хүүхэд цадахаараа хөхөө амнаасаа гаргаж тайван , амарсан байдалтай байна.

• Хүүхэд хөхөж дуусахад эхийн хөх суларч зөөлөрсөн байна

Нярай хүүхдийн асаргааны гол онцлог бол дулаан байлгах

•      Нярайн өрөөг цэвэр гэгээтэй, дулаан (20-22°), нэвт салхигүй, байлгах ба өдөрт 4 удаа ерөөний агаарыг сольж, 2 удаа чийгтэй цэвэрлэгээ хийнэ.

•        Хүүхдийг хагас зөөлөн гудастай, жигд дэртэй, цагаан хэрэглэлээр бүрсэн оронд тусад нь унтуулвал зохино.